英超早场！热刺大盘冇甩拖

xcy232323

       

        英超早场，爱华顿主场迎战热刺。因财务问题被扣10分嘅爱华顿，目前深陷降班危机，主场出击必定尽力抢分，对住疯狂进攻嘅热刺势演激烈驳火战。热刺头重尾轻入得又失得，继续追中位数3/3.5球嘅入球大！
        热刺喺澳洲主帅普斯迪高路领军下，尽情大踢进攻足球，无论系领先定落後、踢少个或者阵容有几残，一样坚定咁向对手进攻，近13场联赛有12场总入球开3球或以上，呢12场热刺都有入球兼失波，对上4场联赛更全开4球或以上，以攻代守嘅踢法够晒娱乐性。
        打惯老虎！爱华顿继续搏槌
        事实上，热刺有足够本钱摆大个头，就算孙兴民踢紧亚洲盃缺阵，一样有李察利臣、迪姆华拿、比兰庄臣同古路斯夫斯基等射得之人，「发电机」占士麦迪臣伤愈复出更令进攻如虎添翼，後面失几多球就靠前面尽力追番，因此经常制造大量入球嘅比赛。
        「拖肥」爱华顿近5场联赛不胜，已经跌落降班区域，不过佢哋主场都有一定战斗力，近4仗联赛主场仅输1场，仲试过3比0炒纽卡素同2比0赢车路士，今仗当然唔会惊同热刺斗攻，好大机会再开入球骚，一於要大盘。