连格分享南韩生活 最爱韩国烧烤

xcy232323

       


        连格上年夏天被诺定咸森林放弃之後，上周终於有班落，加盟韩职球队FC首尔，虽然呢位31岁前曼联中场离乡背井，但佢仍然非常享受新生活，仲喺社交网大肆分享生活点滴，包括入乡随俗，食韩国烧烤。
        从连格嘅社交网帐户Instagram可以见到佢上载多张近照，包括身穿FC首尔球衣，现身球场笑逐颜开，佢仲同队友一齐去食韩国烧烤，亦向球迷介绍自己嘅住宿，似足旅游达人。不过，唔少网民趁机抽水，劝佢唔好再沉迷吃喝玩乐，应该专心踢波，拯救足球事业。
        据悉连格同FC首尔签约2年，获得91万镑年薪(约900万港元)，虽然远低於效力英超球会嘅人工，但已经系韩职最高薪球员。FC首尔会方亦形容连格系韩职史上「最轰动」新兵，令呢位前英格兰国脚由「萝底橙」跃身为一个联赛嘅巨星。预料连格将於3月2日新一季韩职首次为FC首尔上阵，作客FC光州。