唔识入波就转型 纽尼斯成「後备助攻王」

xcy232323

       

        利物浦前锋达云纽尼斯今季表现提升，表现活跃对全队贡献极大，唯独把握力一直系「死穴」。不过呢位乌拉圭国脚唔识入波就转型，英联盃对富咸後备上阵交出2个助攻，今季第10次助攻成为「红军」助攻王，而且今季已7次以後备身份制造入球，做「後备杀手」啱晒佢！
        达云纽尼斯嘅射术唔掂系公开秘密，今仗对富咸虽然只系後备上阵，但有4次射门、12次对方禁区掂波，预期入球(xG)系全场最高嘅0.76球，可惜一粒都入唔到，贯彻败家作风。不过，达云纽尼斯偏偏交出2次助攻成为赢波功臣，成为阵中助攻王外，今季利物浦30个由後备制造嘅入球，佢就有3个入波同4次助攻独占7球，成为利物浦後劲强劲嘅重要原因。
        利物浦领队高普赛後亦大赞达云纽尼斯：「佢踢得非常好，球员系咪踢正选唔单止睇佢入唔入到波，我对佢好有信心。我唔知点解释达云纽尼斯依家嘅情况，佢喺射门方面真系冇得再黑仔，但我好锺意佢嘅反应，除咗冇波入，佢今场做足晒所有嘅事。」