马迪尔被勒令单独操练 做辛祖二世？

xcy232323

       


        曼联踢完对热刺後，有2星期备战下场赛事，据英国《每日邮报》爆料，法国前锋安东尼马迪尔接获通知，领队坦哈格仍为佢状态差劲，勒令佢进行单独操练，冇得跟大队一齐练习。安东尼马迪尔同曼联合约季尾完结，就算今个月卖唔出，夏天都会以自由身离队。
        坦哈格向来铁腕治军，安东尼马迪尔今季长期表现低迷，报道指坦哈格不满佢自12月初因病缺阵後，状态一直谷唔起，所以唔适合同大队一齐练习，教练会为佢安排单独训练计划。不过，报道指安东尼马迪尔今次被「隔离」性质同查顿辛祖唔同，并唔系纪律处分，如果佢可以提升状态，坦哈格会考虑畀佢归队。
        周薪高达25万镑(约250万港元)嘅安东尼马迪尔，已被曼联放入出售名单，不过目前未有球会提出收购，而呢位法国前锋亦希望继续留队争取上阵机会，等夏天先至自由身离队，但唔知仲有冇机会返去跟队友一齐踢波。