蓝武士未入局？森保一：明白外界期望好高

xcy232323

       


        亚洲盃16强周三（31日）大战，由日本斗巴林。「蓝武士」虽然顺利由分组赛突围，但表现未如预期，尤其防守漏洞被人诟病，主帅森保一就承认外界对日本队在亚洲盃的表现有好高期望，并表示今场对巴林会先专注做好自己，同时为未能准时出席记招道歉。
        力争重夺亚洲盃冠军宝座的「蓝武士」，16强将会面对巴林。继分组赛首战赛前记招迟到後，是日有份出席的森保一及久保建英，又比原定时间迟约10分钟才现身，面对现场南韩记者追问原因，森保一亦作出道歉：「呢个系球队管理嘅问题，但上次因为司机喺会场附近兜咗20分钟，先搵到位畀我哋落车搞到迟到，好抱歉。」回应引来现场记者一阵哄笑。
        上届於决赛饮恨的日本，今届於D组取得2胜1负成绩，仅以小组第2名姿态晋级，欠缺说服力的表现备受质疑，森保一表示感受到外界对「蓝武士」有颇高期望：「外界觉得日本队喺『亚洲盃』踢得未够好，系因为大家对我哋有期望，系对日本队嘅尊重，我觉得全亚洲嘅整体足球水平都提升紧，比赛更具竞争性，强弱差距都缩细咗。」
        日本3场分组赛场场有失波，但森保一仍对球队後防充满信心：「我哋当然要吸取分组赛期间嘅教训，但唔代表我哋防线存在隐患，巴林系好有能力嘅球队，只要我哋做好自己，相信球员有能力应付对手。」「蓝武士」分组赛曾以1比2不敌伊拉克，久保建英就表示会失利中学习：「之前对伊拉克我哋好早就失波，呢啲情况我哋需要避免，巴林同伊拉克嘅风格好似，擅用身体对抗嘅踢法对我哋嚟讲唔会陌生，希望我哋今次表现会更好。」