拒同C朗做队友 沙夏宁愿放弃900万镑年薪肥约

xcy232323

       

        水晶宫翼锋韦费特沙夏将於今夏约满，可以自由身离队，英国《每日邮报》指拥有C朗助阵嘅沙特阿拉伯豪门艾纳斯向韦费特沙夏开出900万镑(约8,800万港元)年薪合约，邀请佢加盟。不过，呢位30岁科特迪瓦国脚唔想同「球霸」C朗做队友，已经拒绝转投艾纳斯。
        韦费特沙夏今季为水晶宫踢24场英超，射入6球及2次助攻，由於佢拒绝续约，意味将於今夏自由身离队。C朗近期要求艾纳斯签入高质素外援辅助自己，会方睇中曾经效力曼联嘅韦费特沙夏。
        不过，韦费特沙夏倾向留喺欧洲搵食，AC米兰、多蒙特、阿仙奴、热刺、车路士都有意签佢，冇必要去沙特搵食，特别系一旦加盟艾纳斯，同C朗做队友，可能会承受「额外压力」，令自己发挥受限制，佢宁愿赚少啲，都唔想去艾纳斯睇C朗面色做人。