哥迪奥拿推荐无效 巴塞签唔到加云菲腊斯

xcy232323

       

        曼城今个冬窗打算放走加云菲腊斯，哥迪奥拿想话益母会巴塞隆拿，向对方推荐呢位英格兰防中，球员亦知巴塞冇钱，愿意降薪加盟，可惜巴塞实在太唔争气，连嗰小小借用费都畀唔起，搞到交易告吹。
        「转会专家」罗曼诺报道，曼城近日就出售加云菲腊斯同巴塞接触，蓝月亮愿意降低借用费，加云菲腊斯转会费市值4,000万镑(约4亿港元)，借用费定为700万镑(约7,000万港元)，而球员亦肯降薪，周薪为15万镑(约150万港元)，哥迪奥拿仲落足咀头，说服曼城同球员再减啲，帮到出面。
        可惜巴塞真系穷得交关，上述嘅超笋价，巴塞都无法腾出薪资空间完成交易，签唔到约，加云菲腊斯嚟紧只能留喺英超，一系留队继续坐冷板，否则最有可能外借去韦斯咸。