虚惊一场 赖斯伤势冇大碍可斗森林

xcy232323

       

        阿仙奴上仗英超以5比0大胜水晶宫，但中场主力迪格兰赖斯不幸伤出，根据英国《每日邮报》爆料，呢位25岁英格兰国脚嘅伤势，并冇大碍，可以出战下周三(31日)凌晨英超作客诺定咸森林。
        迪格兰赖斯上仗踢到73分钟退下火线，据悉佢当时肌肉受伤，令人担心佢需要休息一段长时间。幸好经过检查之後，发现迪格兰赖斯嘅伤势只属轻微，加上阿仙奴仲有一星期时间，先至有比赛，相信可以赶及复出对诺定咸森林。
        迪格兰赖斯今季由韦斯咸加盟阿仙奴之後，奠定绝对主力地位，为兵工厂各项赛事上阵30场入3球，佢喺中场拦截及组织，发挥重要作用。